რა არის EURO 5 სტანდარტის საწვავი და რატომ არის ის საუკეთესო არჩევანი თქვენი მანქანისთვის?
ემისიის პირველი სტანდარტი, რომელიც R49 რეგულაციად მოიხსენიებოდა მე-20 საუკუნის 80-იან წლებში დაინერგა. მას შემდეგ ბევრი რამ შეიცვალა - ევროკავშირისა და ევროპის ეკონომიკური ზონის ტერიტორიაზე უფრო მკაცრი სტანდარტები დაინერგა, რომელთაგან ერთ-ერთი EURO 5 სტანდარტია.
EURO 5 არის საწვავის ხარისხის სტანდარტების ნაკრები, რომელიც მიზნად მანქანების მავნე გამონაბოლქვის შემცირებას ისახავს. EURO 5 ტიპის საწვავის დამუშავებისას მიმდინარე პროცესს ჰიდროდესულფურიზაციას უწოდებენ, რაც ბენზინის შემცველობიდან გოგირდის გაქრობას, შესაბამისად, გამონაბოლქვის მიერ ჰაერის დაბინძურების შემცირებას გულისხმობს.
ბენზინისა და დიზელის ძრავების მქონე მანქანებისთვის EURO 5 სტანდარტი საწვავში აწესებს ლიმიტებს ისეთი მავნე ნივთიერებებისთვის, როგორებიცაა გოგორდი, ნახშირბადის მონოქსიდი, ნახშირწყალბადები და აზოტი, რაც სუფთა ჰაერის შენარჩუნებას მნიშვნელოვნად უწყობს ხელს.
შესაბამისად, EURO 5 სტანდარტების დაცვით, საწვავის მწარმოებლები ხელს უწყობენ ჰაერის ხარისხის გაუმჯობესებას და გარემოზე ავტომობილის გამონაბოლქვის ზემოქმედების შემცირებას, რაც, პირდაპირ მოქმედებს ადამიანების ჯანმრთელობასა და კეთილდღეობაზე.
გარდა ეკოლოგიური უპირატესობებისა EURO 5 ხარისხის საწვავის გამოყენება თქვენი ავტომობილს უკეთ მუშაობასაც უწყობს ხელს.
- EURO 5 საწვავი შექმნილია უფრო სუფთად და ეფექტურად დასაწვავად, რაც განაპირობებს ძრავის უკეთ მუშაობას და საწვავის ეკონომიას.
- EURO 5 საწვავში გოგირდის დაბალი შემცველობა ხელს უწყობს ძრავის კოროზიის შემცირებას და ახანგრძლივებს ძრავის სიცოცხლეს.
EURO 5 საწვავი საუკეთესო არჩევანია როგორც თქვენი ავტომობილისთვის, ასევე იმ გარემოსთვის სადაც თქვენ ცხოვრობთ. ამ ტიპის საწვავის გამოყენებით შეგიძლიათ შეამციროთ გამონაბოლქვი და მასში შემავალი მავნე ნივთიერებების ემისია და ამასთანავე, ხელი შეუწყოთ თქვენი მანქანის ძრავის გაუმჯობესებულ ფუნქციონირებას.
